သက်ရောက်ခဲ့သော အိပ်မက်ဟောင်းများ

(နိဒါန်း)

မေမြလွှာ......................

"လောကမှာတင့်တယ်ဖို့မလိုအပ်တာတွေကိုပကာသနလို့ယူဆတယ်၊ အရာအားလုံးကိုဖန်တီးဖို့တော့ စိတ်မကူး

မိပေမယ့်ကိုယ့်ဘဝထဲကအရာအားလုံးကိုတော့ခပ်မဆိတ်ပြောင်းလဲနိုင်တဲ့အခွင့်အရေးလေးလိုချင်တယ်။

ကြိုးစားမယ်လို့လဲဆုံးဖြတ်ထားတယ်။အချစ်၊အမုန်းတွေထက်ပျော်ရွှင်ခြင်းရသတွေကိုပဲခပ်ပါးပါးဖန်တီးချင်ခဲ့တယ်

..........တချိန်မှာရင်ခုန်ရတဲ့ အချစ်ဆိုတာနဲ့ ဘယ်နည်းနဲ့မှတော့ ချောက်ကမ်းပါးထဲကျသလို ကံဆိုးမှုတွေနဲ့

ကြုံချင်တာမဟုတ်ဘူးလေ...........ဒါကြောင့်အရာအားလုံးအထူးသဖြင့်ကိုယ့်ဘဝကိုထိတွေ့မှုတွေပေးမယ့်အရာ

ဖြစ်တဲ့ အချစ် ကို ခပ်ဝေးဝေးမှာပဲ မသိသလိုပစ်ထားခဲ့တယ်................"

ခေတ်ယုယ.....................

"အေးဆေးပျော်ရွှင်တတ်တဲ့သဘာဝလေးနဲ့ဖြစ်နေတာအားလုံးကိုနေသားတကျလက်ခံတတ်ဖို့သာလိုတယ်.........

ခံစားမှုဆိုတာဘဝအတွက် အမာရွတ်တွေဖြစ်စေနိုင်မှန်းသိနေသလို.........ဘယ်အရာကိုမှလဲအားထည့်ခံစားချင်

တာတော့မဟုတ်ဘူး..........ခင်မင်ရသူတွေကြား ပျော်ပါးရွှင်လန်းတဲ့ရသကို ဖန်တီးရင်း ဘဝကိုအချိုးကျကျအေး

ဆေးတည်ငြိမ်စွာဖြတ်သန်းချင်တယ်............ဂီတကတော့ရင်ထဲကတနေရာပေါ့"

လင်းစိတ်စေ..................

"မျက်ဝန်းတစ်စုံကအပြစ်ကင်းတယ်...ပွင့်လင်းဖြတ်လတ်လွန်းတဲ့ကလေးဆန်ဆန်အရိပ်လေးတစ်ခုရဲ့နောက်ပါးမှာ

ကာရံတွေတလွဲဖြစ်လာအောင်အပြောင်းအလှည့်လေးတွေလုပ်ပေးရင်းအရိပ်ကလေးမျက်မှုန်ကုပ်နေတာ၊

နှုတ်ခမ်းစူနေတာကိုသာအလှထိုင်ကြည့်နေချင်တာ...........လိုချင်ခဲ့တဲ့ရင်ခုန်မှုပန်းတပွင့်ကိုခပ်ဝေးဝေးကထီမထင်

ဟန်နဲ့စောင့်ကြည့်ကြည်ဖြူနေရတဲ့နောက်မှာပန်းတွေအားလုံးကိုနှလုံးသားနဲ့မသုံးချင်တော့ဘူး..........ခေတ်မီတဲ့

ခေတ်ဆန်တဲ့ပေါ်ပင်အလှတွေကိုသာ စံပယ်မဟုတ်တဲ့စံပယ်အဖြစ်နဲ့သာမွှေးကြူချင်နေမိတာ..........ကြာပေါ့.....

အရိပ်ကလေးနဲ့ပတ်သက်ဆက်နွှယ်ခဲ့ရတာလဲပစ်စွန့်ချင်တဲ့ပန်းတပွင့်ရဲ့အနံ့ဆိုးထုတ်လွှတ်ခြင်းတွေကြောင့်

လောင်းရိပ် မိသွားတဲ့ အရိပ်ကလေးကို ဖြေသိမ့်မြူနေချင်တာကြောင့်ပေါ့............."

******************************************************************

(အပိုင်း-၁)

မေမြလွှာတစ်ယောက် ကျောင်းရှေ့ကို ကျောင်းကားဆိုက်တာနဲ့ လန်းစိတ်စေနဲ့အတူ ကျောင်းရှေ့ကထိုင်နေကျ

Nucleus Tea House ကိုလှမ်းသွားတယ်................။ အဲဒီဆိုင်လေးက မေမြလွှာတို့အဖွဲ့ အထူးသဖြင့် အီးစီ

အီးပီတွေ တော်တော်အားပေးကြတယ်။ဘာလို့လဲဆိုတော့ ဆိုင်နာမည်လေးက သူတို့အကြိုက်ကိုး........။

အစွဲလေးနဲ့ပေါ့.................။

မေမြလွှာမျက်လုံးတွေက တစ်လမ်းလုံးကားစီးရင်း အိပ်လာတာလေ။ မပွင့်သေးဘူး။ ဒါကိုလင်းစိတ်စေက

ကလူ၏သို့မြူ၏သို့ လုပ်ရင်းပေါ့............။

ကျောင်းသားကျောင်းသူတွေကလဲ ခုလို မနက် ရနာရီခွဲဆို မြို့ထဲကကျောင်းကားတွေအသီးသီးဆိုက်လာတဲ့အခါ

ကျောင်းရှေ့ကရွာအဝင်လမ်းဘေးမှာရှိတဲ့စားသောက်ဆိုင်တန်းလေးကိုဆိုက်ဆိုက်မြိုက်မြိုက်သွားကြဖို့မမေ့ဘူး...။

ဆိုင်ထဲမှာ သူငယ်ချင်းတွေ လူစုံအောင်စောင့်တဲ့သူတွေ၊ အဆောင်ကထလာပြီး မနက်စာဖြည့်တင်းသူတွေ၊

သက်ဆိုင်သူလာရာလမ်းကိုမျှော်မှန်းပြီးအကြိုထောက်ဖို့စောင့်စားသူတွေ၊မျက်လုံးကျီးကန်းတောင်းမှောက်နဲ့

ပျိုပျိုတွေကိုရှိုးသူတွေ၊ဘေးမှာတယောက်ထားပြီးလမ်းသွားလမ်းလာတွေကိုကျွေးနေသူတွေ၊ ဂျာနယ်ကို

မလွှတ်တမ်းဖတ်နေသူတွေ၊စီးကရက်လေးတရှိုက်ရှိုက်နဲ့နံနက်ခင်းထဲနစ်မြောနေသူတွေ၊ဆရာသမားနဲ့အတူမနက်

ပိုင်း ဂါရဝ အလာပ သလာပပြောသူတွေ စသည်စသည်ပေါ့.............။

ဒါက ကျောင်တော်ရဲ့နံနက်ချိန်ခါ ရှုခင်းသာပဲ.............အဲဒီအထဲကမှတချို့တချို့တွေက မိုးမမြင်လေမမြင် သီအို

ရီတွေကြားနစ်လို့........ခေါင်းတောင်မဖော်နိုင်ဘူး..........တွက်လိုက်ချက်လိုက်စဉ်းစားလိုက်နဲ့............။

မေမြလွှာက သင်ရိုးကုန်ရင် လန်းစိတ်စေရဲ့ သွတ်သွင်းပေမှုကိုနာခံရင်း အတန်းတက်နေသူတယောက်..........။

လန်းစိတ်စေက စာကြိုးစားတယ်.......အတန်းထဲမှာအတော်ဆုံးမဟုတ်ပေမယ့် ဝမ်းတူတမ်းတော့ဝင်အောင်လုပ်

တယ်.................ဒါကိုမေမြလွှာက အားမကျတဲ့အပြင် သူရေးထားသမျှလက်ချာတွေကို အကုန်ကူး၊ လေ့ကျင့်

ခန်းတွေအကုန်ကူး...............စာသင်ချိန်ဆိုမေမြလွှာက မျက်လွှာလေးအသာချလို့ငိုက်တာကခပ်များများရယ်။

လန်းစိတ်စေက မေမြလွှာအနားအဲဗားရှိနေတတ်တာလေ...........မြလွှာဆိုးသမျှ နွဲ့သမျှကို သည်းခံစိတ်ရှည်

လွန်းလို့ မြလွှာကလဲသံယောဇဉ်အနန္တနဲ့ ခင်မင်နေရှာတာ..........ဒါကို ရောင်းရင်းတွေအားလုံးကသိတယ်......။

ဒီလိုနဲ့နှစ်တွေ တစ်နှစ်ပြီးတစ်နှစ်ပေါ့......................မေမြလွှာနဲ့ လင်းစိတ်စေကလဲ အတွဲမပျက်ဆက်လက်ကာ

ချီတက်ဆဲပေါ့................။

ကျောင်းလေးကတော့ မနက်ခင်းဆိုဥဒဟိုသွားလာနေတဲ့ ကျောင်းသားရောင်စုံတွေနဲ့ ပေါ့..........ကျောင်းစည်းရိုး

မျက်နှာစာမှာဆို ကံ့ကော်ပင်တွေ အစီအရီရယ်..............ကျောင်းအနောက်ဘက်မှာဆို တောင်ညိုတောင်တန်း

ကြီးကစိမ်းညို့ညို့နဲ့.................ကျောင်းရဲ့လက်ယာဘက်မှာ ကမ္ဘာကျော် တောရတရားစခန်းရိပ်သာကြီးရှိတယ်။

အဲဒီရိပ်သာအဝင်လမ်းအဝမှာ မုခ်ဦးနဲ့ဇရပ်တဆောင်ရှိတယ်.........အဲဒါကကျောင်းသားကျောင်းသူငယ်ချင်းအုပ်စု

များပျော်စံရာ၊ ဝိုင်းဖွဲ့ပြီးတွက်ကြချက်ကြရန်ဖြစ်ကြတဲ့ နေရာလေး.............အေးအေးဆေးဆေးနဲ့ပေါ့.........။

ကျောင်းဘယ်ဘက်မှာတော့ စိမ်းညို့ညို့ရော်ဘာခြံ၊ အဲဒီနောက်ကမှ ဓနိအုပ်လေးကစိမ်းစိုစိုနဲ့.........မေမြလွှာတို့

စာသင်ခန်းကနေကြည့်ရင် ကွင်းပြင်လေးကကျယ်လွင့်လွင့်လေး..........အဲဒီဘက်ကိုကျောင်းသားတွေအသွား

များတယ်...........ဘာလို့မှန်းတော့မသိဘူး.......အပေါ့အပါးထင်ပါရဲ့.............။

*******************************************************************

(အပိုင်း-၂)

အဲလိုသာယာမှုတွေနဲ့ပဏံရလှတဲ့ ကျောင်းတော်ကြီးမှာ မြလွှာတို့က အပိုးကျိုးနေတာတော့မဟုတ်ဘူး.........

ခပ်ပျော်ပျော်ရွှတ်နောက်နောက်ဆောင့်ကြွကြွ ကလေးပသေလေးပေါ့............။

သူပျော်နေရင် လင်းစိတ်စေက မခံချင်အောင်စ ၊ နောက် ............သူကစိတ်ဆိုး......ရိုက်လိုက်ပုတ်လိုက်ထုလိုက်

ထောင်းလိုက်နဲ့..............ဒေါသထွက်သွားရင်လင်းစိတ်စေကပြန်ချော့............(အပေါ်စီးကနေပြီးအချော့တော်)

လုပ်တတ်တဲ့နေရာမှာ လင်းစိတ်စေက ဆရာပဲ..........။

မြလွှာက လင်းစိတ်စေရှိရင် အိုကေတယ်ဆိုတဲ့စိတ်လေးရှိတယ်.........ဘာလုပ်လုပ်တိုင်ပင်တယ် နှီးနှောတယ်ပေါ့

ဒီလိုနဲ့ နှစ်လေးတွေပြောင်းလတွေဟောင်းနဲ့ နောက်ဆုံးနှစ်လို့ခေါ်လို့ရတဲ့ နှစ်လေးတစ်နှစ်ကိုရောက်လာ ပါလေ ရော.........................။

နောက်ဆုံးနှစ်ဆိုတာက ဒီလို...............

မြလွှာတို့က ဒီပလိုမာ တက်၊ ခရက်ဒစ်တယ်ဆို နောက်ထပ် ကောလိပ်တက်၊ အိုကေဆို တက္ကသိုလ်တက်အဲလို...

ကောလိပ်နောက်ဆုံးနှစ်ရဲ့ ကာလတစ်ခုကိုရောက်လာတယ်..........ခွဲရတော့မယ်လို့ တရားသေယူဆကြတဲ့သူ

များတယ်..........ဘာလို့လဲဆိုတော့ နောက်ထပ်အိုကေဖို့ဆိုတာက လေထဲကတိမ်ခိုးလိုပဲ.........မရေရာဘူးလို့

အတွေးနဲ့ ဇာတ်ရေးနေသူတွေထဲမှာ မေမြလွှာလဲပါတယ်...........လင်းစိတ်စေကတော့တိတ်တိတ်ကြိတ်ကြိုးစား

နေတယ်.............မြလွှာလဲဒီနှစ်တော့နည်းနည်းပိုးကျိုးပြီးသင်ခန်းစာတွေသေချာလုပ်တာကို ဘယ်သူမှမရိပ်မိဘူး

သူကဆိုးတာကိုး..........လူတိုင်းကအထင်မကြီးတဲ့သူ................။

ဒီနောက်ဆုံးနှစ်လေးမှာပေါ့..........မြလွှာမျက်ဝန်းထဲ ပုံရိပ်တခုလွှမ်းမိုးခဲ့တယ်.............ပုံရိပ်လေးကတော့ဘာမှ

သိပုံမရဘူး..........ဒီလိုပဲဖြစ်တတ်ပါတယ်ဆိုတဲ့ ခေတ်ပျိုမေရင်ခုန်နှုန်းအရဆို ခပ်ရိုးရိုးခံစားမှုလေးတခုကို

မြလွှာကပုံကြီးချဲ့ခံစားလိုက်တယ်ပေါ့..........။

အဖြစ်ကဒီလို.................

မြလွှာနေအိမ်က ကျောင်းနဲ့မနီးဘူး........ဒါပေမယ့်ကျောင်းကားကလဲစီးလို့အဆင်ပြေတဲ့နေရာမျိုးမဟုတ်ဘူး။

အိပ်ရာထနောက်ကျတတ်တဲ့အကျင့်က မြလွှာကျောင်းချိန်ကိုအမြဲနောက်ကျစေတတ်တယ်..............

မြလွှာကျောင်းနောက်ကျတတ်တာကို လင်းစိတ်စေတို့က ကျောင်းရှေ့က ဆိုင်လေးမှာထိုင်စောင့်ပြီး သူမလာမှ

အတူတူအတန်းတက်ဖြစ်ကြတာများတယ်..........။

လင်းစိတ်စေတို့က ကျောင်းကားနဲ့ကျောင်းတက်ကြတာ.........သူကမြို့ထဲက အထင်ကရဘုရားတစ်ဆူရှေ့မှာ

နေတဲ့သူလေ..........အဲဒီနှစ်မှာ လင်းစိတ်စေတို့က ကျောင်းကားခေါင်းဆောင်လုပ်တယ်.......သူတို့ကမကထ

လုပ်တဲ့ကျောင်းကားပေါ့........ဆီမလောက်တော့ ဆီခွဲတမ်းအရ နည်းနည်းအိတ်စိုက်ရတယ်။ဒါကြောင့်ဆီစရိတ်

ကာမိအောင်ရယ်၊ လင်းစိတ်စေက မြလွှာကိုကျောင်းကားနဲ့စီးပြီးကျောင်းတက်နိုင်အောင် တစ်ဝက်ခနဲ့အိုကေ

ခဲ့တယ်..........စီးတော်ယာဉ်က မြလွှာအတွက်ကျောင်းနောက်ကျတဲ့အပြစ်ကလွတ်သွားစေတယ်ပေါ့..........။

အဲဒီမှာ စတွေ့တော့တာပဲ...........

ကျောင်းကားက မေဂျာသုံးခုပေါင်းထားတယ်။ မြလွှာကျောင်းကားစီးတိုင်း ကားခေါင်းနားကပ်လျက်လေးမှာ

ခပ်ကုပ်ကုပ်ငိုက်ပြီးပါပါလာတတ်တဲ့ မျက်လုံးအေးအေး၊ နှာတံစင်းစင်း၊ ဆံပင်ပျော့ပျော့လေးနဲ့ ပုံရိပ်လေး

တစ်ခုကို သတိထားမိတယ်.........နေ့တိုင်းပဲ။ မြလွှာကစေ့စေ့ကြည့်ပြီး ကားစီးရတဲ့အရသာကိုပျော်လာတယ်။

ဒီလိုနဲ့ ပုံရိပ်လေးကလဲ သတိထားမိသွားတယ် .......မျက်ဝန်းလေးတွေဆုံ၊ကြည်နူးရိပ်တွေသန်း၊နောက်ပိုင်း

ပုံရိပ်လေးကလဲ ကားစီးလာရင်မငိုက်တော့တာများတယ်.........ကားကက်ဆက်က မျိုးကြီး ရဲ့ သီချင်းလေးတွေ၊ အငဲသီချင်းတွေကို ခံစား အကြည့်ချင်းဆုံရင်ခုန်နဲ့ ကဗျာဆန်နေကြတယ်.....။မြလွှာအသည်းအသန်ဖြစ်လာတော့

လင်းစိတ်စေကိုရင်ဖွင့်တော့တာပေါ့.........။

"လင်းစိတ်စေ........ငါ ဟိုတယောက်ကိုကြွေနေပြီဟာ..........ငါ့အသည်းလေးဖြစ်နေပြီ၊ငါတို့အတန်းရှေ့ဖြတ်ရင်

ငါ့ကိုလှမ်းသတိပေးစမ်းပါ၊ မျက်စိအစာကျွေးချင်လို့.......အိုကေနော်"

ဒီတော့ မျက်လုံးမှေးစင်းပြီး ခနဲ့တဲ့တဲ့အပြုံးနဲ့ လင်းစိတ်စေက

"ဒါနောက်တယောက်ပေါ့ဟုတ်လား.........သဲသဲလှုပ်ပြန်ပြီပေါ့......ရောဂါပဲ.......အေးငါပြောမယ်အေးဆေး"

"နင်နော်................."

"ဟား........ဟား................ဟား ရယ်ရတယ်ဗြဲ"

"အဲ...ဟိုမှာလာနေပြီ တိတ်တိတ်နေ"

"ငါပြောပေးရမလား..........ဟေ့.......ဟေ့၊ ဒီမှာ....ဒီမှာ"

လင်းစိတ်စေက ခေတ်ယုယကို လှမ်းအော်ခေါ်ဟန်လုပ်နေတယ်............မြလွှာကစိတ်တိုလာပြီး

"တိတ်တိတ်နေစမ်း သိက္ခာကျတယ်"လို့ ပြန်ငေါက်လိုက်တယ်...........။

လင်းစိတ်စေက ခနဲ့တဲ့တဲ့အပြုံးနဲ့ မဲ့ကာရွဲ့ကာနဲ့

"အောင်မယ် နင်ကသိက္ခာရှိနေသေးတယ်ပေါ့" ပြောတယ်........မြလွှာကမသိသလိုလုပ်နေလိုက်တယ်။

.......................................

သူတို့နှစ်ယောက်ကအဲလို............။

ဒီလိုနဲ့ စကားနာထိုးမှုတွေ၊ မျက်လုံးချင်းစကားပြောမှုတွေနဲ့ ကာလစက်ဝန်းကိုစီးလာလိုက်တာ မြလွှာရောဂါ

လဲသည်းလာတယ်။ စာမေးပွဲကြီးလဲနီးလာတယ်ပေါ့..............။ပုံရိပ်လေးက စာကြိုးစားသူမို့ စာမေးပွဲနီးလာတော့

သိပ်မတွေ့ရတော့ဘူး...........အိမ်မှာစာလုပ်နေတယ်ထင်ပါ့..............။ ပုံရိပ်လေးကိုမမြင်ရတဲ့နေ့ဆို မြလွှာ

အတွက် ပျော်ရွှင်မှုတွေမစိုပြေတော့တဲ့နေ့လေးတွေများလားတတ်ပြီ။

မြလွှာတော်တော်ခံစားနေရတာကိုလင်းစိတ်စေကပျက်ရယ်ပြုနေတတ်တယ်.........ဒီလိုနဲ့ပဲစာမေးပွဲကြီးဖြေတော့တာပေါ့။

မြလွှာက မနေနိုင်တော့တဲ့အဆုံး Invitation Card လေးတခုနဲ့ ပုံရိပ်လေးကို လှမ်းဖိတ်လိုက်တယ်...............

ဘာရယ်မဟုတ်ပါဘူး..........။

ခင်မင်ချင်တယ်ဆိုတဲ့အကြောင်း နှစ်သစ်ကူးညလေးမှာဆုံချင်တဲ့အတွက် ဒီဇင်ဘာလ ၃၁ရက်နေ့ညနေလေးနာရီ

တိတိမှာ ဖုန်းဆက်ဖို့၊ စနောက်ရင် အရှက်ကွဲပြီးခံစားရမှာကိုနားလည်ပေးပါဆိုတဲ့အကြောင်းလေးပေါ့.......

ဒါလေးရေးပြီး မြလွှာပို့လိုက်တယ်..............။

လင်းစိတ်စေက အဲဒါကို သိတယ်။ အရူးစိတ်ချမ်းသာအေးချမ်းတယ်ဆိုတဲ့သဘောနဲ့ လျစ်လျူရှုထားလိုက်တယ်။

စာမေးပွဲကြီးကပြီးသွားပြီ။ နောင်နှစ်ထပ်တက်ရဖို့ဆိုတာ မသေချာသွားပြီပေါ့...........။

စာမေးပွဲကောင်းကောင်းဖြေနိုင်ခဲ့တဲ့မြလွှာ တစ်ဘာသာတော့ စိတ်ထင့်နေရတယ်...............သိပ်မရဘူးလေ။

ဒါကြောင့် တက္ကသိုလ်ထပ်တက်ရဖို့ သိပ်မသေချာတော့ဘူး..........။

ပုံရိပ်လေးနဲ့ နောက်ဆုံးအနေနဲ့ တွေ့ဆုံချင်တယ်။ပျော်ရွှင်ကြည်နူးတဲ့စကားလေးတွေနဲ့ နောက်ဆုံးနှုတ်ဆက်

ချင်တဲ့ဆန္ဒလေးတခုပဲရှိတယ်...............။

ပုံရိပ်လေးကို ဖိတ်စာပို့ပြီးတဲ့နောက် မြလွှာနေမထိထိုင်မသာဖြစ်နေတယ်...........ဒီဇင်ဘာနောက်ဆုံးညနေခင်းကို

လက်ချိုးရေရတာ တစ်ကမ္ဘာနီးပါးကြာတယ်...............။စာမေးပွဲမှာပင်ပန်းခဲ့သမျှ နှစ်တိုင်းအတိုးချပြီးအိပ်နေခဲ့ သမျှ ဒီနှစ်မှာတော့ သိပ်မအိပ်နိုင်ဘူး........အိပ်မက်တွေကြားလန့်နိုးနေရတယ်............မေမြလွှာက ငရဲထဲရောက်

သွားတယ်ပေါ့................။နေ့ရက်တွေကုန်၊ မိနစ်တွေတွက်နဲ့ ရင်ထိတ်နေတုန်းလေ............။

*************************************************************

(အပိုင်း-၃)

ဒီဇင်ဘာညနေခင်း လေးနာရီထိုးဖို့ ငါးမိနစ်အလိုမှာ မြလွှာပျာပျာသလဲ အိပ်ရာကထ မျက်နှာသစ်ရေချိုးပြီး ဖုန်းလေးဆီ အပြေးသွားခဲ့တယ်..............ဘုရားလဲတနေမိတာပေါ့.....................ညနေလေးနာရီထိုးတဲ့အချိန်မှာ

ဖုန်းသံလေးမြည်လာခဲ့တယ်...........

"ကလင်လင်"

တုန်ရင်စွာနဲ့ ဖုန်းခွက်လေးကိုနား နားကပ်လိုက်တော့ တည်ကြည်တဲ့အသံလေးတခုကို ရင်းနှီးစွာစကြားလိုက်

ရတယ်................

"ဟဲလို"

"ခင်ဗျား ကဘယ်သူလဲ၊ ကျွန်တော့်ကို ဘာလို့ ကဒ်ပို့ရတာလဲ၊ ကျွန်တော်က ရုပ်ချောတဲ့သူ နာမည်ကြီးတဲ့သူ

လဲမဟုတ်ဘူးလေ...........ခင်ဗျားဘာသဘောနဲ့ လုပ်တာလဲ သိချင်တယ်"

သွားပြီ....မြလွှာစိတ်ကူးလှလှလေးတွေ၊ လက်ချိုးရေပြီး မောပန်းနွမ်းလျခဲ့ရတဲ့ ရင်ခုန်မှုတွေအားလုံးသူရဲ့

တဒင်္ဂ စကားလုံးတွေအောက်မှာ အစိပ်စိပ်အမွှာမွှာရယ်ပါ...........ရင်ထဲက မာနကမခံချင်စိတ်ကိုတွန်းပို့ပေးလိုက်

တော့ နှုတ်ထွက်စကားတွေကမကောင်းတော့ဘူးပေါ့..........

"ကျွန်မ မေမြလွှာပါ၊ ကိုခေတ်ယုယ သိပါတယ်လေ"

"ဟာ.......မဖြစ်နိုင်ဘူး။ မေမြလွှာက အဲလိုလုပ်တတ်မှာမဟုတ်ဘူး၊သူကအဲလိုမိန်းကလေးမဟုတ်ဘူး၊ခင်ဗျား

ဘယ်သူလဲပြောဗျာ"

ခပ်ဆောင့်ဆောင့်ထွက်လာတဲ့ သူ့စကားနောက်ပါးမှာ မေမြလွှာ ခံစားမှုလေးတွေအရောင်စုံသွားတယ်။

သြော်........ငါ့ကိုသူသိသားပဲပေါ့.......။

စိတ်ကထင်မြင်မှုတွေဘေးထားပြီး စကားလုံးတွေထွက်ကျလာလိုက်တာ....................အများကြီးပဲ။

"မေမြလွှာပါ၊ ယုလေးကို ပျော်ချင်လို့ရယ် ယုလေးနဲ့တွေ့ချင်လို့ ခုလိုလုပ်လိုက်တာ တခြားရည်ရွယ်ချက်မရှိပါဘူး"

"မဖြစ်နိုင်ဘူးဗျ၊ ခင်ဗျားကမေမြလွှာဆိုလဲ ခင်ဗျားကိုဘယ်သူမြှောက်ပေးလို့လုပ်တာလဲ၊ဒီလိုလုပ်တာအန္တရာယ်ရှိ

တယ်ဆိုတာ ခင်ဗျားသိမှာပါ။ နောက် ခင်ဗျားသူငယ်ချင်းနဲ့ ဒီဇင်ဘာနောက်ဆုံးညမှာ လောင်းကြေးစားကြေးနဲ့

အပျော်လုပ်တာလား............ဒါဆိုခင်ဗျားနိုင်တယ်ပေါ့ ခင်ဗျားပျော်တယ်ဆိုပြီးရော"

တဒင်္ဂသာယာမှုတွေပျောက်ပျက်ပြီး အရှက်တရားတွေမွန်းကျပ်မှုတွေ မခံချင်မှုတွေဝင်လာတယ်..........

မြလွှာကိုသူကဘာလို့အရေးတယူဖုန်းဆက်ရသလဲ၊ နောက်မြလွှာကိုသူရင်းနှီးနေတာပဲ...........

"မဟုတ်ဘူး...... မလောင်းထားဘူး။ ကိုယုက အန္တရာယ်ရှိတဲ့သူမဟုတ်ဘူး အဲဒါကြောင့်ခင်ချင်လို့ ဒီလိုကဒ်ပို့ လိုက်တာ"

"အိုကေ ခင်ဗျားအိမ်ကိုလာခဲ့မယ်........."

"အို မလာနဲ့..............မဖြစ်ဘူး"

"ဘာလို့လဲဗျ၊ ကျွန်တော်က မိကောင်းဘခင်သားသမီးပဲ"

"အိမ်မလာနဲ့မဖြစ်ဘူး၊ လာချင်ရင် ရှိုင်းအအေးဆိုင်ကိုလာခဲ့၊ဆုံရအောင်၊တယောက်တဲလာခဲ့နော်"

မေမြလွှာ အစီစဉ်တကျမဖြစ်တော့ပဲ ကသောင်းကနင်းနဲ့ ပါးစပ်ကထွက်ရာတွေလျှောက်ပြောနေတော့တယ်။

ဒါပေမယ့် သူ့ကိုတွေ့ချင်တဲ့စိတ်က ပြင်းပြင်းပြပြဖြစ်နေတာပါ.................

"အိုကေလေ၊ ခင်ဗျားနဲ့တွေ့ပြီးရှင်းကြတာပေါ့၊ ၂၀မိနစ်အတွင်းရောက်အောင်လာခဲ့မယ်"

"ဟုတ်ပြီလေ"

ဖုန်းခွက်လေးချလိုက်တော့မြလွှာတယောက်လေဟာနယ်ထဲကနေမြေပြင်ပေါ်ပြန်ရောက်လာသူလိုဟာတာတာနဲ့

ခြေလှမ်းတွေကလဲ ရှိုင်းအအေးဆိုင်ဆီ လျှောက်နေတယ်။ လေထဲမှာလွင့်နေသလို ခံစားချက်တွေလေနေတယ်။

ရင်လဲခုန်တယ်..........ဘာဖြစ်မလဲဆိုပြီးတော့ပေါ့..................................

အအေးတခွက်မှာပြီးထိုင်စောင့်နေတုန်း ဗြုန်းဆို သူရောက်လာတယ်။လက်ထဲကနာရီကိုကြည့်တော့ မိနစ်၂၀

ကွက်တိ။ ကျေနပ်သွားတယ်..............။

စိတ်ကတော်တော့ကိုကျေနပ်သွားတယ်..................။မြလွှာလိုချင်တောင့်တနေတာ ပုံရိပ်လေးနဲ့ လက်ဆုံကျဖို့

တခုတည်း၊ နောက်ဆက်တွဲဘာမှမရှိချင်ဘူး...........သူပြောသမျှရင်ဆိုင်ချင်တယ်ပျော်ပျော်ကြီးလေ..........။

အောင်စာရင်းတွေထွက်လာရင် ကိုယ့်လမ်းကိုယ်လျှောက်ကြရတော့မှာမို့ ခုလိုရသခိုက်လေးမှာ မြလွှာဆန္ဒလေး

ပြည့်ခဲ့ချင်တယ်...........။သူကိုယ့်ကိုစကားပြောတဲ့အသံနဲ့ဟန်......မြလွှာဆိုတာ သူ့ရင်ထဲမှာ ရှိမနေရင်တောင်

သိသွားအောင် ကြိုးစားခဲ့ချင်တယ်...........ဒီတခုတည်းနဲ့ ရည်ရွယ်ခဲ့တာကို မြလွှာကပဲအသိဆုံးပါလေ...............။

မြလွှာအတွေးတွေနဲ့စစ်ခင်းရင် လက်ပိုက်ထိုင်နေတုန်း သူကအနားရောက်ခါးထောက်ပြီး ခပ်တည်တည်နဲ့

"ဘာသဘောနဲ့လုပ်တာလဲ" တဲ့................

ရင်ထဲအောင့်မျက်သွားတယ်...............ကိုယ်ခန္ဓာတခုလုံး အဆမတန်ကျုံ့ဝင်သွားသလားအောက်မေ့ရတယ်......

ပူရှိန်းရှိန်းခံစားချက်ကမျက်နှာတပြင်လုံးမှာနေရာအနှံ့ပဲ..................ဒါပေမယ့် နှုတ်ခမ်းအစုံက ခနဲ့တဲ့တဲ့အမူအရာ

ကိုဖန်ဆင်းထားတယ်.............။

"ဘာသဘောနဲ့လုပ်တာလဲ"

ထိုင်ခုံပေါ်နေရာမယူနိုင်သေးတဲ့အလောတကြီးမေးခွန်းတွေနဲ့သူအလုပ်ရှုပ်နေတာကိုကြည့်ရင်း ဖြေစရာရှာမတွေ့ခဲ့

ဘူး...............မရှိဘူးဆိုပိုမှန်မယ်....................

ရင်ထဲခံစားမှုတွေဘေးချိတ်ပြီး ခပ်ပြုံးပြုံးလေးပြောလိုက်တယ်

"ရန်ဖြစ်ဖို့လာတာလား" လို့........................

အဲဒီတော့မှ သူက ထိုင်တော့တယ်..........

မြလွှာရင်တစ်ခုလုံးဗြောင်းဆန်နေတာကို သူမသိဘူး................မျက်နှာပြင်ကတော့ခပ်နောက်နောက်အမူရာက

နေရာယူထားတယ်....................။

"အိုကေလေ၊ ခုဆိုခင်ဗျားနဲ့ကျွန်တော်သူငယ်ချင်းတွေပေါ့၊ ခင်ခင်မင်မင်ပေါ့ဗျာ၊ မိတ်ဆက်ပြီးပြီလို့ပဲသဘောထား

လိုက်ပါ။ ခင်ဗျားလောင်းကြေးနိုင်သွားပြီပေါ့။ ခင်ဗျားဝမ်းသာတယ်ဆိုကျွန်တော်ကျေနပ်ပေးပါတယ်၊ပျော်တယ်

မဟုတ်လား။ သူငယ်ချင်းတွေပါရင်လဲခေါ်လိုက်နော်၊ ကျွန်တော်ကမရိုင်းပါဘူး၊ အားလုံးခင်ခင်မင်မင်ပေါ့၊

တကျောင်းတည်းသားချင်းပဲ"

"ဘယ်သူမှမပါဘူး၊ ကျွန်မတယောက်တဲပဲ၊ ကျွန်မဘာသဘောနဲ့လုပ်တာလဲဆိုတာတော့ မိန်းကလေးက ဒီလိုလုပ်

ရင်ဘာသဘောလဲဆိုတာပြောပြစရာမလိုပဲ အံသေတွက်ထားတဲ့အဖြေတခုရှိပြီးသားပဲဟာ၊ပြောနေလဲအပိုပဲ၊ယုံ

မှာမို့လား"

သူမျက်မှောင်ကုပ်သွားတယ်.............

"အေးအေးဆေးဆေးအိမ်လာလည်မယ်၊လိပ်စာပေးပါလား"

ဒါတော့လုံးဝမဖြစ်တဲ့ကိစ္စ၊ အိမ်လာရင် သွားပြီ၊ မြလွှာသိက္ခာကျ၊ အိမ်ပေါ်ကခေါင်းနဲ့ဆင်းရမှာ၊ မေတို့လဲရှက်လို့

သေမှာ၊ နောက်သူကဘယ်လိုပုံစံနဲ့လာမှာလဲ၊ အိမ်ကလဲ သိပ်ပကာသနရှိတာမဟုတ်ဘူး၊ မြလွှာသိမ်ငယ်တယ်၊

အတွေးဗရပွနဲ့ ခေါင်းတွင်တွင်ယမ်းပြီးပြောချလိုက်တယ်.........

"ဟင့်အင်း မလာနဲ့ မတွေ့ချင်ဘူး မဖြစ်ဘူး.............."

သူတော်တော်ဒေါသထွက်သွားပုံရတယ်..........ယောကျာ်းမာနဆိုတာဒါပဲလား

"ကျွန်တော်ကနူဝဲနေလို့လား၊ ပညာတူအချင်းချင်းကျောင်းနေဖက်အချင်းချင်းသူငယ်ချင်းအဖြစ်လာတာပဲ၊

မဖြစ်ဘူးလားဗျ"

"လုံးဝမဖြစ်နိုင်လို့ပါ"

"အိုကေလေ၊ဒါဆိုလဲဒီနေ့ဒီနေရာမှာအားလုံးပြီးပြီပေါ့၊ ကျွန်တော်ပြန်တော့မယ် လုပ်စရာတွေရှိသေးတယ်ဗျ"

ဒီလိုကြားရတော့လဲ မြလွှာက သူနဲ့အခွင့်ရရင် ပြန်တွေ့ချင်သေးတယ်လေ။ သူကျောခိုင်းသွားတာကိုမတွေ့

ချင်ဘူး။ ဒီနေ့ည သူငယ်ချင်းတွေစုပြီး အကင်လုပ်စားကြဖို့ ချပ်ရ်ှမှာချိန်းထားတယ်။ အ်ိမ်ကိုလဲပြောပြီးသား

အဲဒီသွားဖို့ထွက်လာတာမို့ သူ့ကိုအဲဒီကိုလိုက်ပို့စေချင်တယ်............ဒါနဲ့ပဲ.............

"မဟုတ်သေးဘူး၊ ကျွန်မသူငယ်ချင်းတွေနဲ့ချိန်းထားတယ်၊လင်းစိတ်စေတို့နဲ့၊ အဲဒီသွားမလို့လိုက်ပို့ပေးပါလား

ယုလဲလိုက်ခဲ့ပေါ့၊............."

"ကျွန်တော်လဲပါတီရှိတယ် အဲဒီကိုသွားမလို့၊ ကျေးဇူးပါပဲ ဖိတ်တာကို၊ မမေမြလွှာကိုယ့်ဘာသာသွားပါလား

ကျွန်တော်အချိန်ကပ်နေလို့"

မဖြစ်ဘူး............လုံးဝမဖြစ်ဘူး။သူနဲ့အတူ သူမောင်းတဲ့ဆိုင်ကယ်လေးကိုစီးပြီးသူ့ခါးကိုဖက်သွားချင်သေးတယ်။

ဒီခံစားချက်ရဲ့နောက်ကွယ်မှာ ဘာအန္တရယ်မှမရှိဘူးလို့ ယုံကြည်ထားတယ်..........။

"မရဘူး၊ လိုက်ပို့ပေးနော်"

တချက်တွေပြီး စိတ်ဒုံးဒုံးချလိုက်ဟန်နဲ့.......

"ဟုတ်ပြီ၊ တက်"

ကျွန်မအရမ်းပျော်သွားတယ်၊ သူ့နောက်ကျောလေးကခပ်ငွေ့ငွေ့အနွေးဓါတ်လေး..........အိုးအရမ်းပျော်တယ်။

ကျွန်မဒါပဲသိတာ...............။

ကုန်းဆင်းတခုမှာကျွန်မသူ့ခါးလေးကိုဖက်လိုက်တော့၊ သူကအနောက်မှာကွင်းရှိတယ်ကိုင်ထားပေါ့လို့ပြောတယ်။

ကျွန်မရှက်သွားမိတယ်.............။

"နောက်ထပ်ဒီလိုမျိုးထပ်မလုပ်ပါနဲ့ မမေမြလွှာ" လို့ သူကအော်ပြောသေးတယ်။

ကျွန်မကဘာမှန်းမသိဘဲ အော်ရယ်နေမိတယ်................

ပျော်တယ်....ဒါပဲသိတယ်လေ..........ပျော်တယ်............ဒါပဲ။

ဒီလိုနဲ့ သူ လင်းစိတ်စေတို့ဆီလိုက်ပို့ပြီး နှုတ်ဆက်ပြန်သွားလေရဲ့။ သူပြန်သွားတော့ကျွန်မအော်ရယ်နေမိတယ်။

သရော်တာလှောင်တာမဟုတ်ဘူး။ပျော်လို့..............။အားလုံးကတော့သိတာမဟုတ်ဘူး.........။

ကျွန်မကဲနေတယ်ပေါ့လေ..................။

အဲဒီညက နှင်းတွေဝေနေတဲ့ဆောင်းည၊ မနက်ခင်းနှစ်သစ်အာရုဏ်နဲ့အတူထွက်လာတဲ့နေမင်းကိုကြည့်ပြီး

"Happy New Year" အတွက်တောင်းဆုတွေပြုပြီး ပြန်လာခဲ့တယ်......................။

*************************************************************

(အပိုင်း-၄)

သိပ်ပျော်ခဲ့ရတဲ့ရသတွေနဲ့ နှစ်သစ်တစ်ခုကိုအစပျိုးခဲ့တဲ့အချိန်လေးပေါ့.....................ဒိနောက်မှာ လင်းစိတ်စေက

မေမြလွှာအနားရှိမြဲရှိလျက်ပေါ့..................

ခေတ်ယုယကတေ့ာ မေမြလွှာကို စိတ်မာန်ရှနေသလား၊ ရှက်ဒေါသလေးပေါက်ကွဲနေသလားတော့မသိဘူး.........

ပြတ်သားရက်စက်သွားခဲ့တယ်...........။

ဖြစ်ချင်တော့ မေမြလွှာ၊ ခေတ်ယုယ၊ လင်းစိတ်စေတို့ အားလုံး တက္ကသိုလ်တက်ခွင့်ရကြတယ်..........

အဲဒီနှစ်ကတော့ မေမြလွှာအတွက် အပျော်တွေဆိတ်သုဉ်းခဲ့တဲ့နှစ်ပေါ့.............လင်းစိတ်စေကအနားမှာ သိပ်မရှိ

နေတော့ဘူး............စာတွေလဲရှင်းပြစိတ်ကုန်ခမ်းသွားတာလားမပြောတတ်ဘူး.............မေမြလွှာတယောက်

လေလွင့်စိတ်နဲ့အတူ ခပ်ထူထူဖြတ်သန်းခဲ့တာ...................။

ဆင်ကောင်ကြီးအမြီးကျမှတစ် ဆိုသလို အဲဒီနှစ်မှာ ဘုန်းဘုန်းကျခဲ့တယ်.............

ဒါပါပဲ..........စိတ်နောက်ကိုယ်ပါတတ်တဲ့ တဇွတ်ထိုးစိတ်ဓါတ်လေးကြောင့် ဘဝတခုလုံးပျက်မတတ်ခံစားရတယ်

အရှုံးတွေနဲ့ရင်ဆိုင်ခဲ့ရတယ်လေ..............ဒီထဲမှာတောင် ခေတ်ယုယဆိုတဲ့ ကျောင်းသားလေးရဲ့စိတ်နှလုံးဖြူစင်

ရိုးသား အကြံအဖန်မများခဲ့တာကြောင့် မေမြလွှာ အရှက်နဲ့သိက္ခာမကျတာပေါ့...........

မြလွှာလိုမိန်းမသားလေးတွေဟာ ရည်ရွယ်ချက်အတွက် အဓိကကျကျ မိန်းမသားဘဝကို သဘာဝကျကျလက်ခံ

ဖြတ်သန်းမယ်ဆို ခုလို အရှုံးနဲ့ရင်ဆိုင်ရမှာမဟုတ်ဘူး.............။

မိန်းမသားရဲ့သိက္ခာတရားကို အပေါစားဆန်ဆန်ခံစားစေစားတတ်ကြတဲ့ အခုခေတ်ညီမငယ်လေးတွေလဲ သိက္ခာ

ကိုခေါင်းပေါ်ရွက် ရည်ရွယ်ချက်ဆုံးခန်းတိုင်ရောက်အောင် ကြိုးစားအားထုတ်ကြဖို့.............မေမြလွှာတယောက်

သင်္ခါန်းစာရခဲ့တယ်.....................ဒါပေမယ့် တစ်နှစ်ဆိုတဲ့ အရှုံးကာလကို အထီးကျန်ဖြတ်သန်းခဲ့ရတော့တဲ့အခါ

သူမဘေးမှာ လင်းစိတ်စေ၊ ခေတ်ယုယ နှစ်ယောက်လုံးမရှိတော့ဘူးလေ...................။

ကျောင်းတော်ဆိုတာ အပျော်သဘောသက်သက်မဟုတ်တဲ့ ဘဝအတွက် ခမ်းနားတဲ့ ဝမ်းစာကိုအဓိပ္ပါယ်ရှိရှိ

သွန်သင်ဖြည့်ဆည်းပေးတဲ့နေရာဆိုတာ မေမြလွှာသဘောပေါက်လာပြီ.............။

ကျဆုံးခြင်းရဲ့နောက်ဆက်တွဲအနေနဲ့ ရှက်ရွံ့သိမ်ငယ် ပေးဆပ်ရခြင်းတွေနောက်မှာ အချစ် ဆိုတဲ့ခံစားချက်က

ပျောက်ခြင်းမလှပျောက်သွားခဲ့ပြီ.............။

ဘဝရှေ့ခရီးအတွက် အောင်မြင်မှုတွေဆောင်ယူချင်သူအဖြစ် အပတ်တကုပ်ကြိုးပမ်းအားထုတ်ခဲ့တော့တဲ့အခါ

မေမြလွှာတယောက် အချိန်ကာလတစ်ခုကို နာကျင်စွာဖြတ်သန်းပြီးနောက်မှာတော့ ခမ်းနားအားကျလောက်

တဲ့ အထက်တန်းကျကျ ဘဝကိုပိုင်ဆိုင်လာခဲ့တော့တယ်...........။

အဖြစ်ချင်ဆုံးသော လက်ထောက်အင်ဂျင်နီယာ ဆိုတဲ့ ဝိသေသကို ကိုယ့်အရည်အချင်းအစစ်နဲ့ရယူခဲ့တယ်။

အောင်မြင်ခဲ့တဲ့အခြေနေလေးမှာ လင်းစိတ်စေဟာ အနားမှာထပ်ကြပ်မကွာရယ်ပေ့ါ.................။

မေမြလွှာဘဝမှာ အရင်းနှီးဆုံးသူငယ်ချင်းမိတ်ဆွေအဖြစ် လင်းစိတ်စေကိုသိပ်ခင်တွယ်နေမိပြန်တယ်လေ။

လင်းစိတ်စေ အလုပ်လုပ်ရာရပ်ဝန်းနဲ့ သူမရပ်ဝန်းက သ်ိပ်နီးစပ်တယ်................ဒီလိုနဲ့ ကျောင်းတော်ရောင်း

ရင်းအရင့်အမာကြီးတွေ အဖြစ် ခင်မင်မှုတွေ ရှင်သန်နေခဲ့ကြတယ်................... .အဆိုးအနွဲ့တွေနဲ့လဲ

ခင်မင်မှု ကိုအနိုင်ယူတတ်တဲ့ မေမြလွှာရဲ့ ကလေးဆန်ဆန်အမူပိုမှုတွေနဲ့ လင်းစိတ်စေကို ထပ်ပြီးဆိုးပြန်

တာပေါ့....................။

ဖြူစင်မှုနဲ့အနိုင်ပိုင်းချင်တဲ့ မေမြလွှာကို တနေ့မှာတော့လင်းစိတ်စေက ချစ်စကားမကျ အထာစကားလှလှ

လေးတွေနဲ့ သိမ်းသွင်းတော့တာပေါ့........ဒီလိုနဲ့ပဲ သူတို့နှစ်ယောက်လူမသိသူမသိ လက်တွဲဖော်အဖြစ်

စရံသတ်လိုက်ကြတယ်...............မေမြလွှာဆိုတာက ပထမဆုံးအတွေ့ကြုံလဲဖြစ်၊ခင်မင်ရသူလဲဖြစ်တဲ့

လင်းစိတ်စေကို ဘယ်လိုသိမ်းသွင်းရမှန်း၊ ခံစားချက်တွေနောက်ကို မာယာမပါပဲ စိတ်သွားတိုင်းကိုယ်ပါ

ခဲ့ပြန်တော့ သူမရဲ့မျှော်လင့်ခြင်း တိမ်တိုက်လေးဟာ သိပ်မကြာခင်မှာပဲ လင်းစိတ်စေရဲ့ လက်ဖဝါးအတွင်း

ခြေမွခြင်းခံလိုက်ရတော့တယ်............။

လင်းစိတ်စေကတော့ ကျောင်းမှာကတည်းက ချစ်သူကရှိဖူးတာလေ။မေမြလွှာဆီက အခါမတိုင်ခင်ပွင့်

တဲ့ပန်းကို ဆွတ်ချင်ဟန်ပြတော့ မေမြလွှာက လုံးဝငြင်းဆန်တော့တာပေါ့....။လင်းစိတ်စေရဲ့အယုအယ

တွေအပေါ်မှာလဲ မေမြလွှာက မခံစားမသာယာနိုင်လောက်အောင် စိုးထတ်ခြင်းတွေ နဲ့သာ အချိန်ကုန်နေ

ခဲ့တာလေ............ဒီအတွက်တွေကြောင့် လင်းစိတ်စေအပေါ် အရှက်သိက္ခာထက် ပေါက်ကွဲမှုကိုသာ

ဗဟိုထားဆက်ဆံခဲ့လေတော့  ယောကျာ်းမာနတို့ အရှက်တရားတို့ ကိုကျော်လွန်ပြီး ချစ်ခြင်းတရားတွေ

ပျောက်ကွယ်သွားအောင် မေမြလွှာဖန်တီးပြီးသားဖြစ်သွားတယ်.........။

အစီစဉ်မကျတဲ့ မညီမျှခြင်းတွေကြားမှာ ကာရံညှိခဲ့ကြတဲ့ ဟာမိုနီပျက်အဖြူရောင်အပေါ်အရောင်ဆိုးကြ

သူနှစ်ယောက်ရဲ့ အဆုံးသတ်လေးတခုကတော့..............။

ဒီလိုနဲ့ ချစ်သူများနေ့မတိုင်ခင်မှာကျရောက်တဲ့ လင်းစိတ်စေရဲ့မွေးနေ့ပွဲလေးကိုတောင် မဆင်နွှဲနိုင်ခဲ့တော့

ဘူး။ ချစ်သူများနေ့မှာ လင်းစိတ်စေရဲ့ ချစ်ရည်ရွှမ်းတဲ့ ချောကလက်လေးကို စားသုံးမယ်လို့ကြံရွယ်ခဲ့တဲ့

မေမြလွှာရဲ့ အဖြူရောင်ပုံရိပ်တွေထဲက အပြာရောင်တိမ်တိုက်လေးဟာလဲ လင်းစိတ်စေရဲ့ မာန်မုန်တိုင်း

အောက် ပျောက်ခြင်းမလှပျောက်သွားတော့တယ်.........။

"ရက်စက်တယ်" လို့အခါခါညည်းတွားရင်း၊ "လူပါးဝတယ်" လို့ အခါခါမချိတင်ကဲ မုန်းတီးမိရင်း၊ ရင်ဖွင့်ရမှု

များစွာနဲ့ ခြောက်ကပ်ကပ်နေ့စွဲတွေအောက် ပြားပြားမှောက်ခဲ့ပြန်တယ်............။မလူးသာမလွန့်သာအနေ

အထားနဲ့မို့ မေမြလွှာရဲ့ နှလုံးသားလေးထဲ သူငယ်ချင်းဆိုတဲ့ဖြူစင်မှုတွေကော၊ လက်တွဲဖော်ဆိုတဲ့အသုံး

အနှုန်းကိုပိုင်ဆိုင်ခွင့်ပေးမယ်ဆိုတဲ့ငံ့လင့်မှုတွေကောဆိတ်သုဉ်းသွားခဲ့တာနှစ်တစ်နှစ်ရဲ့ချစ်သူများနေ့လေး တစ်နေ့မှာပေါ့....................။

ဒီလိုနဲ့ ရှင်သန်မှုတခုရဲ့အောက်မှာ ဖြတ်လတ်မှုတွေအားလုံး တဒင်္ဂစိတ်စေစားရာနောက်လိုက်မိပြန်တဲ့

မေမြလွှာဟာ အထီးကျန်ဆန်ဆန်ဘဝကိုပြန်လည်ရောက်ရှိသွားတော့တယ်။

ရင်ထဲမှာ သစ္စာတရားတခုကို ခပ်ကျယ်ကျယ်လေးအော်ပြီး တိုင်တည်ဆုတောင်းနေပြန်တယ်.......

"ကျွန်မသည် တသက်တာအတွင်း အချစ် ဆိုတဲ့ အရာကို ဘဝနဲ့ထပ်တူ တန်ဖိုးထားခဲ့ပြီး၊ မုသားမပါ

ပွင့်လင်းသောအချစ်တွေနဲ့သာ လင်းစိတ်စေအား ချစ်မြတ်နိုးခဲ့ပါသည်။ ထပ်တူကျသောချစ်ခြင်းတရား

တွေအပေါ်တောင့်တငံ့လင့်ခဲ့သော်လည်း သစ္စာဖျက်သူ လင်းစိတ်စေရဲ့ လုပ်ရပ်တွေအောက်ခံစားကြေ

ကွဲမှုတွေဖြင့်သာ မျောပါနေရသော ကာလမှ အမြန်လွတ်မြောက်ရပြီး ထပ်တူကျသောချစ်ခြင်းအား

လက်ဝယ်ပိုင်ပိုင်ရရှိခံစားရပါစေသား..........."

ရယ်လို့ ထပ်ခါထပ်ခါဆုတောင်းနေတော့တယ်........။

************************************************************

(နိဂုံး)

အချစ်တွေအားလုံးအပေါ် သန့်စင်မှုတွေနဲ့သာခြုံလွှမ်းထားချင်တဲ့ မေမြလွှာရဲ့ဘဝဟာ အရင်းနှီးရဆုံးရင်ခွင်တခုကို

မှေးစက်ခွင့်မရခဲ့ပေမယ့်...................

သူမဘဝလေးကို အမှတ်မထင်ဝင်ရောက်လာတဲ့ Invitation စာလေးတစောင်ကို တခုသော စက်တင်ဘာလနေ့

လေးတနေ့မှာ လက်ခံရရှိခဲ့ပြီးနောက်မှာ သူမတောင်းဆုတွေပြည့်လာခဲ့တယ်..............။

သူမရင်တွင်းဆန္ဒတွေအားလုံးတောင့်တပိုင်ဆိုင်ခွင့်တွေရလာတယ်..............စည်းချက်တခုကိုကာရံညီညီ ချက်ကျလက်ချ ဖန်တီးကြရတော့တယ်.......................။

ချစ်သူများနေ့လေးရောက်လာပြန်တဲ့အခါ သူမသက်ဝင်ယုံကြည်ရတဲ့ လတ်ဆတ်တဲ့ပျော်ရွှင်ခြင်းတွေကို ချစ်ရသူ

ရဲ့ မြတ်နိုးမှုလက်ဆောင်တွေနဲ့အတူ ယုယကြင်နာအနမ်းများအကြား ပျော်ဝင်ခံစားလိုက်ရတာပါပဲ........

မေမြလွှာရဲ့ ဖြူစင်ခြင်းတွေကိုကော ပွင့်လင်းမှုတွေကိုပါ သဘာဝကျကျ နားလည်ခံစားပေးတတ်တဲ့ သူမဘဝ

လက်တွဲဖော်နဲ့အတူ သူမရည်ရွယ်ရာ အိပ်မက်လမ်းကို အတူတကွလျှောက်လှမ်းလိုက်ချိန်မှာတော့ ကောင်းကင်

မှာ မြူမှုန်တောင်မထင်အောင် လှပနေတာ ခပ်ပြာပြာလေးပေါ့.................။

မေမြလွှာ ဘဝမှာ ခေတ်သမီးပျိုတယောက်အနေနဲ့ ပွင့်လင်းရဲတင်းမှုတွေရှိကောင်းရှိနေပေမယ့် ရိုးရာမပျက်

မိန်းမဘဝအတွက် အရှက်ကိုတော့ကာကွယ်ရင်း၊ ခံစားမှုတွေကိုပုံဖော်မိရင်း က ဖြူစင်သောချစ်ခြင်းတရား

အောက် မွေ့ပျော်ခွင့်ရခဲ့တာ...........ဂုဏ်ယူနေတုန်း............ချစ်သူကိုလက်တွဲပြီး........သူမဖြစ်ချင်တဲ့ အင်ဂျင်

နီယာနည်းပညာတွေကိုဆက်လေ့လာရင်း.................ကောင်းကင်ကကြယ်တွေ...........လက်ဆောင်အဖြစ်

ချစ်သူကိုပေးရင်း...........ချစ်သူများနေ့အတွက်ခုတော့ ပြင်ဆင်နေလေရဲ့.............................

။။။။။။။။။။။။။။။။။။။။။။။

အီးစီနီနီ

၂၀၀၉ခုနှစ်ဖေဖော်ဝါရီလ၆ရက်နေ့နေ့လည် ၂နာရီ ၃၂မိနစ်