နိုင်ငံခြားသားအလုပ်သမားများအတွက် လမ်းညွှန်အပိုင်း(၃)
အလုပ်လုပ်ကိုင်ရာတွင် လိုက်နာဆောင်ရွက်ရမည့် စည်းမျဉ်းစည်းကမ်းများ
နိုင်ငံခြားအလုပ်သမားများ
အလုပ်သမားတစ်ဦးအနေဖြင့် သင်ရရှိမည့် အခွင့်အရေးများနှင့် သင်၏တာဝန်ဝတ္တရားများအား သိရှိထားရန်လိုအပ်ပါသည်။ အောက်ပါ ကဏ္ဍများပါဝင်သော အလုပ်ကန်ထရိုက်တစ်စောင်ကို သင်နှင့် သင်၏ အလုပ်ရှင်တို့  အကြား ချုပ်ဆိုထားသင့်ပါသည်။
၁။ လစာပေးခြင်း
လစာထုတ်ရက်မှ ခုနှစ်ရက်တာကာလအတွင်း သင်၏လစာအား ထုတ်ယူရရှိသင့်ပါသည်။ အလုပ်လုပ်ကိုင်ခြင်းနှင့် စပ်လျင်းသော အက်ဥပဒေအရ ပြဌာန်းထားသည့်အချက်များမှလွဲ၍ အခြားမည်သို့ သော အကြောင်းနှင့်မျှ လစာမှဖြတ်တောက်ခြင်းများပြုလုပ်ထားခြင်း မရှိသင့်ချေ။
၂။ အလုပ်ချိန်နှင့် အချိန်ပိုအလုပ်လုပ်ခြင်း
တစ်ရက်အလုပ်ချိန် (၈)နာရီနှင့် တစ်ပါတ်အလုပ်ချိန်စုစုပေါင်း (၄၄)နာရီထက်ပိုပြီး အလုပ်လုပ်ရန်မလိုအပ်ပေ။ အလုပ်ချိန်ထဲတွင် အစာစားချိန်၊ အနားယူချိန်နှင့် လက်ဖက်ရည်သောက်ချိန်များ ထည့်သွင်းတွက်ချက်ခြင်း မပြုပေ။
အကယ်၍ သတ်မှတ်ထားသော အလုပ်ချိန်ထက် ကျော်လွန်၍ အလုပ်လုပ်ကိုင်နေရလျှင် အချိန်ပို တစ်နာရီလျှင် အခြေခံလစာ တစ်နာရီစာ၏ တစ်ဆခွဲနှင့် တွက်ချက်၍ လုပ်အားခတောင်းခံနိုင်ပါသည်။
၃။ အားလပ်ရက်များ
အားလပ်ရက်များအတွက် လုပ်အားခခံစားခွင့် မရှိပေ။ သို့ ရာတွင် အားလပ်ရက်များတွင် သင်၏အလုပ်ရှင်ကအလုပ်လုပ်ရန် ညွှန်ကြားလာလျှင် တစ်နေ့ တာအတွက် အခြေခံလစာ၏ နှစ်ဆနှင့်တွက်ချက်၍ အချိန်ပိုလုပ်အားခ ရရှိရပါမည်။
အားလပ်ရက်များတွင် မိမိဆုံးဖြတ်ချက်အရ အလုပ်လုပ်ကိုင်လိုပြီး သင်၏အလုပ်ရှင်ကလည်း ယင်းသို့ လုပ်ကိုင်ခွင့်ပြုခဲ့လျှင် တစ်နေ့ တာအတွက် အခြေခံလစာအတိုင်း ခံစားခွင့်ရပါမည်။
၎။ အများပြည်သူများအတွက် အလုပ်ပိတ်ရက်များ
တစ်နှစ်လျှင် လုပ်အားခအပြည့်ရရှိမည့် အများပြည်သူဆိုင်ရာအလုပ်ပိတ်ရက် တစ်ဆယ့်တစ်ရက် ရရှိပါမည်။
ထိုရက်များတွင် အလုပ်လုပ်ကိုင်ရန် မလိုအပ်ပဲ တစ်ရက်အတွက် အခြေခံလစာတစ်ရက်စာ ရရှိခံစားရပါမည်။ အကယ်၍ သင်၏ အလုပ်ရှင်က ယင်းနေ့ ရက်များတွင် အလုပ်လုပ်ကိုင်ရန် ညွှန်ကြားလာပါက နေ့ ပိုကြေး ခံစားခွင့်ရရှိရပါမည်။
၅။ တစ်နှစ်တာအတွက်ခွင့်ခံစားခွင့်
အလုပ်ရှင်တစ်ဦးတည်းထံတွင် သုံးလဆက်တိုက်အလုပ်လုပ်ကိုင်ခဲ့ပြီးလျှင် တစ်နှစ်တာအတွက် သတ်မှတ်ထားသော ခွင့်ခံစားခွင့် ရရှိပါမည်။ ခွင့်ရက်တွက်ချက်ပုံမှာ အလုပ်လုပ်ပြီးခဲ့သော ပထမတစ်ဆယ့်နှစ်လအတွက် ခွင့်ရက် ခုနှစ်ရက်ဖြစ်ပြီး နောက်ထပ် တစ်ဆယ့်နှစ်လတိုင်းအတွက် ထပ်တိုးခွင့် တစ်ရက်စီခံစားခွင့်ရရှိပါမည်။
သို့ ရာတွင် တစ်နှစ်တာအတွက် ခွင့်ရက်စုစုပေါင်းမှာ တစ်ဆယ့်လေးရက်ထက် ကျော်လွန်ခွင့်မရှိပေ။ လုပ်သက် တစ်ဆယ့်နှစ်လမပြည့်သေးလျှင်မူ အချိုးကျတွက်ချက်ရမည့် တစ်နှစ်စာခွင့်ကို ခံစားခွင့်ရရှိပါမည်။
၆။ နာမကျန်းခွင့်
ခြောက်လကြာတာဝန်ထမ်းဆောင်ခဲ့ပြီးသော အလုပ်သမားများသည် နာမကျန်းခွင့် ခံစားခွင့် ရှိပါသည်။ တစ်နှစ်လျှင် ပြင်ပလူနာအဖြစ်ခွင့် တစ်ဆယ့်လေးရက်နှင့် ဆေးရုံတက်လူနာအဖြစ် ခွင့်ရက်ခြောက်ဆယ်(ပြင်ပလူနာခွင့် တစ်ဆယ့်လေးရက်အပါအဝင်) ခံစားခွင့်ရှိပါမည်။ နာမကျန်းခွင့် တင်ရာတွင် အစိုးရအသိမှတ်ပြုဆရာဝန်(သို့ မဟုတ်) ကုမ္ပဏီဆရာဝန်၏ ထောက်ခံစာ ပါရှိရပါမည်။
သင်၏ အားလပ်ရက်၊ အများပြည်သူအလုပ်ပိတ်ရက်နှင့် တစ်နှစ်တာခွင့်ခံစားနေသောရက်များတွင်မူ နာမကျန်းခွင့် ခံစားခွင့် ရမည်မဟုတ်ပေ။
(ဆက်လက်ဖော်ပြပါမည်)
No comments:
Post a Comment