(၁)
မရှိခြင်းကို သုညလို့ ပြောရင် အဲဒီကောင်ဟာ ငါဖြစ်လိမ့်မယ်။ အိပ်မက်တွေအစီအရီသီဖို့ ကြိုးစားခဲ့ဖူးတဲ့ ကောင်ပေါ့။ မရခဲ့ပါဘူးလေ။
မရှိခြင်းတွေအပြည့်ထည့်သိပ်ထားတဲ့တောင်းတစ်လုံးကလွဲရင်ပေါ့။ အခုချိန်ထိ တိုးထွက်မလာနိုင်သေးတဲ့ နေရောင်ကို လှမ်းမျှော်လို့ ငါ စောင့်ကြည့်နေခဲ့ဖူးတယ်။ အဲဒီလောက်အထိ ညံ့ဖျင်းတဲ့ကောင် ငါပါ။
(၂)
တစ်ခါတစ်လေ ခေါင်းစဉ်အကြောင်းတွေးမိရင် ဦးနှောက်ခြောက်တယ်။ ဘဝကို ခပ်ပါးပါးလေးခပ်ကြည့်မိတော့ အရှုံးတွေအပြည့်နဲ့  အောင်လံထူနေတဲ့ ငါ့ကိုငါပြန်တွေ့ နေရတယ်။ ငါပြေးနေရင်းနဲ့  ခြေချော်လဲကျ။
ကိုယ့်ကိုကိုယ်တောင်တွေတစ်လုံးပြီးတစ်လုံးတက်နေတယ်လို့ထင်နေရင်းနဲ့အစကနေမကျော်လွန်နိုင်သေးဘူး။အခုတော့ငါ့မှာကုန်းကောက်စရာပီမိုးနင်းစာအုပ်တွေမရှိဘူး။ မိုင်ထောင်ချီခြေလျင်ခရီးနှင်ပြီး ကျောင်းတက်ဖို့ ကြိုးစားခဲ့သူရဲ့ ဇာတ်လမ်းငါပြန်ဖတ်ဖို့ မရှိဘူး။ ဆရာဖေမြင့်ရဲ့  ဘေဘီလုံမှာအချမ်းသာဆုံးပုဂ္ဂိုလ်စာအုပ် ငါ့မှာမရှိဘူး။ လဲကျတိုင်းမှာ ပြန်ထူမတ်နိုင်ဖို့  ကြိုးစားခဲ့တဲ့ အားအင်အဟောင်းတွေငါ့မှာမရှိတော့ဘူး။
အဲဒီဆောင်းညမှာမွေးဖွားပြီး ဆောင်းတွင်းမှာ နာကျင်အေးခဲနေတဲ့ဝေဒနာကုဖို့  ဆေးတစ်ပင် ငါ့ကိုပေးပါ။ တစ်ဖြေးဖြေးနဲ့  ပျင်းရိလာတဲ့စိတ်ကို ငါပြန်လည်မွေးဖွားချင်တယ်။
(၃)
ဒီရာစုသစ်ထဲမှာ လေးဖြူသီချင်း ငါမဆိုနိုင်တော့ပါ။ ပွင့်ကွဲပေါက်ထွက်ဖို့  စိတ်အနုမြူဗုံး ငါတစ်လုံးပြီးတစ်လုံး တပ်ဆင်ချင်ခဲ့တယ်။ ငါ့ကို အကြမ်းဖက်သမားလို့ ပဲပြောပြော ရတယ်။ ဒါပေမယ့် ငါ့ကိုငါ ပြန်အကြမ်းဖက်ချင်ခဲ့တဲ့ကောင်ပါ။ နိုင်ငံတကာ ရာဇဝတ်ခုံရုံးမှာ ငါ့ကိုယ်ငါ သေဒဏ်တောင်းဆိုချင်ခဲ့တဲ့ကောင်ပါ။
ငါ့စိတ်လေနှင်ရာလွင့်ဖို့ တောင်အခွင့်အရေးမရှိတဲ့ ဒီလောကမှာ ပြန်လည်ရှင်သန်ခြင်း ရွက်နုတွေ ငါ့သစ်ပင်မှာ ဝေပါရစေ။ အသစ်တစ်ဖန်ပြန်မွေးဖွားတဲ့ကောင် ငါဖြစ်ချင်တယ်။
အဲဒီအချိန်ကျရင်......
(ဂျိုင်းရန့် )
(ရေးခဲ့ဖူးတဲ့ဟိုမရောက်ဒီမရောက်အက်ဆေးအပိုင်းအစလေးပါ။အခုလောလောဆယ်ဖြစ်နေတဲ့စိတ်ပိုင်းဆိုင်ရာအကျပ်အတည်းတွေကိုကျော်လွှားဖို့အားအင်ရှာရင်းနဲ့ လေးဖြူသီချင်းလေးနားထောင်ကာပြန်ဖတ်နေမိပါတယ်။အခုတလောကျောင်းစာတွေပိနေလို့အသစ်တွေတော့မရေးနိုင်သေးပါဘူး။)
No comments:
Post a Comment